دعا زہرہ کیس: والد نے دعا کی سی پی بی منتقلی کا مطالبہ۔

لاہور: دعا زہرہ کے والد مہدی کاظمی نے عدالت سے دعا زہرہ کو دارالامان کے بجائے چائلڈ پروٹیکشن بیورو (سی پی بی) میں منتقل کرنے کا مطالبہ کیا ہے، KNM نیوز نے رپورٹ کیا۔

تفصیلات کے مطابق مہدی کاظمی کے وکیل نے جوڈیشل مجسٹریٹ رضوان احمد کی عدالت میں موقف اختیار کیا کہ بچی کم عمر ہے اس لیے اسے دارالامان کی بجائے چائلڈ پروٹیکشن بیورو منتقل کیا جائے۔

وکیل فہد صدیقی نے دعویٰ کیا کہ سندھ ہائی کورٹ کے فیصلے کے تحت بچی کو چائلڈ پروٹیکشن بیورو منتقل کیا جائے۔
اس دوران سندھ پولیس بھی زہرہ کو کراچی لے جانے کے لیے عدالت پہنچی اور عدالت سے استدعا کی کہ لڑکی کو کراچی منتقل کرنے کی اجازت دی جائے۔
جوڈیشل مجسٹریٹ نے سندھ پولیس کی درخواست مارکنگ کے لیے سیشن کورٹ کو بھجوا دی۔ سماعت کچھ دیر کے لیے ملتوی کر دی گئی۔