وزیراعلیٰ محمود خان کے مشورے پر خیبرپختونخوا اسمبلی تحلیل
پشاور: وزیراعلیٰ محمود خان کی ہدایت پر خیبرپختونخوا اسمبلی تحلیل کردی گئی۔
تفصیلات کے مطابق گورنر حاجی غلام علی نے ایک روز قبل وزیراعلیٰ محمود خان کی جانب سے صوبائی اسمبلی کی تحلیل کے مشورے پر دستخط کر دیے ہیں۔
کے پی اسمبلی کو تحلیل کرنے کا فیصلہ منگل کو ہونے والے صوبائی حکومت کی کابینہ کے آخری اجلاس میں کیا گیا۔
محمود خان نے کہا کہ یہ کابینہ کی آخری میٹنگ تھی اور وہ تمام ایم پی ایز کے پورے دور میں تعاون کرنے اور صوبے کی ترقی میں اپنا کردار ادا کرنے والے تمام افسران اور وزراء کے مشکور ہیں۔
اس سے قبل پنجاب اسمبلی آئینی طور پر تحلیل ہو گئی تھی کیونکہ پنجاب کے گورنر بلیغ الرحمان نے سمری پر دستخط کرنے سے معذرت کرتے ہوئے کہا تھا کہ وہ اس عمل کا حصہ نہیں بن سکتے۔
وزیر اعلیٰ پنجاب پرویز الٰہی نے تحلیل کی سمری بھجوا دی اور آئین کے مطابق گورنر کے فیصلے سے قطع نظر اسمبلی 48 گھنٹوں میں تحلیل ہو جاتی ہے۔
