لسبیلہ ہیلی کاپٹر حادثے میں پاک فوج کے افسران اور جوان شہید: آئی ایس پی آر
راولپنڈی: بلوچستان کے سیلاب زدہ علاقے میں ریلیف اور ریسکیو آپریشن کے دوران لاپتہ ہونے والے بدقسمت آرمی ہیلی کاپٹر کا ملبہ موسیٰ گوٹھ، وندر سے مل گیا، کے این ایم نیوز نے آئی ایس پی آر کے حوالے سے رپورٹ کیا۔
ڈی جی آئی ایس پی آر میجر جنرل بابر افتخار نے اس خبر کی تصدیق کی کہ کور کمانڈر سدرن کمانڈ لیفٹیننٹ جنرل سرفراز علی سمیت تمام 6 افسران اور جوانوں نے جام شہادت نوش کیا۔
انہوں نے کہا کہ ابتدائی تحقیقات کے مطابق حادثہ خراب موسم کی وجہ سے پیش آیا۔
The wreckage of unfortunate hel which was on flood relief ops found in Musa Goth, Windar, Lasbela. All 6 offrs & sldrs incl Lt Gen Sarfraz Ali embraced shahadat. اِنّا لِلَّٰهِ وَإِنَّا إِلَيْهِ رَاجِعُونَ
Accident occurred due to bad weather as per initial investigations . DTF pic.twitter.com/dnyano2vqC— DG ISPR (@OfficialDGISPR) August 2, 2022
اس سے قبل پاک فوج کا ایک ہیلی کاپٹر بلوچستان کے ضلع لسبیلہ میں لاپتہ ہو گیا تھا جس میں کمانڈر 12 کور لیفٹیننٹ جنرل سرفراز علی سمیت اہم شخصیات سوار تھیں۔
فوج کے میڈیا ونگ کے مطابق فوجی ہیلی کاپٹر لسبیلہ میں سیلاب زدگان کی امدادی کارروائی پر تھا۔
آئی ایس پی آر نے ٹوئٹ کیا کہ ’پاک فوج کا ایک ایوی ایشن ہیلی کاپٹر جو لسبیلہ، بلوچستان میں سیلاب سے متعلق امدادی کارروائیوں پر تھا کا اے ٹی سی سے رابطہ منقطع ہوگیا‘۔
